30.04.21
“FIKSIM” Flori Mumajesi VS Bruno. Fifi zgjedh!!!

Dy emra që vijnë këtë të dielë në Kënga Magjike janë Fifi dhe Bruno. Dy këngëtarët kanë bashkuar forcat në një duet që ka gjasa të jetë hiti i verës 2021. Kënga titullohet “Fiksim” dhe është produksion i studios Threedots. Kur vjen puna tek paraqitjet skenike Fifi dhe Threedots gjithmonë përpiqen të jenë të kuruar në detaje. Kënga Magjike zbulon ekskluzivisht se kënga do të shoqërohet me një koreografi masive nga Graciano Tagani.

Fifi është nga ato këngëtare që gjithmonë shprehet pa doreza. Nëpër deklarata mediatike ajo ka thënë se ka shumë bashkëpunëtorë, por Threedots është studioja e saj e zemrës. Po ashtu Fifi gjithmonë ka ngjallur shumë polemika me djemtë e Threedots, specifikisht me Flori Mumajesin. Para disa vitesh Fifi dhe Flori provokuan publikun me një video ku dukej se ishin në një moment sentimental. Fill pas kësaj dolën fjalë se Fifi dhe Flori patën një debat dhe se i mbyllën marrëdhëniet me njëri-tjetrin. Dyshja gjithnjë ka ditur të konfuzojë fansat me historitë e tyre.

Por këtë vit Fifi vjen në bashkëpunim me krahun e djathtë të Mumajesit, Brunon, me të cilin Fifi ka një miqësi të hershme. E pyetur nga redaksia se kë “do” më së shumti Florin, apo Brunon, Fifi “e sikletosur” preferon të heshtë, por Bruno përgjigjet:“Dashuria është e njëjtë për të gjithë. E respektojmë dhe e duam njëri-tjetrin në mënyrë të barabartë”.

Gjithsesi është pak, por e sigurt, Fifi dhe Bruno “do ju tundin themelet” me “Fiksim”.

Artikuj Të Tjerë

EKSKLUZIVE: “Soni Malaj bashkon forcat me Threedots”.

EKSKLUZIVE: “Soni Malaj bashkon forcat me Threedots”.

Kur vjen puna tek emrat BIG, Soni Malaj është ajo që ngjall gjithnjë shumë kuriozitet tek publiku. Gjatë karrierës së saj ka publikuar shumë hite dhe është vlerësuar me shumë çmime. Sa i përket Këngës Magjike ajo ka qenë pjesëmarrëse 9 herë, (3 prej të cilave me...

read more