04.04.21
“Miss World Italia” vjen në “Kënga Magjike 2021”, Valeria Altobelli: Shqipëri të dua!

Valeria Altobelli ka studiuar që e vogël piano, kitarë, solfezh dhe kanto. Në teatër dhe kinematografi njihen sukseset në “Una note da Scare”, “Tiramisu” etj. Në vitin 2004, kurorëzohet si “Miss World Italy” dhe në spektaklin “Miss World” këndon me Lionel Richie. Në show-n “Tale e Quale Show” në vitin 2017 shpallet fituese dhe kthehet si kampione në 2018-ën në Rai 1. Aktualisht vijon me projekte televizive në Rai dhe Mediaset, si dhe angazhime ndërkombëtare në kinematografi.

Valeria Altobelli vjen në festivalin “Kënga Magjike 2021” me këngën “Anima Semplice” (Shpirt i thjeshtë).

Ardit Gjebrea: Kënga, instrumentet që luan, kompozitore, “Miss World Italy”, personazh televiziv, themeluese e një fondacioni kundër dhunës ndaj grave. Çfarë do presim akoma nga ty?

Valeria Altobelli: Të jesh këtu Ardit është një emocion i jashtëzakonshëm. Dua t’ju falenderoj edhe në emër të artistëve dhe të gjithë popullit të muzikës sepse po na jep mundësinë për të takuar ata që ne i duam që janë njerëzit.

Ardit Gjebrea: Puna të ka bërë të udhëtosh në të gjithë botën, çfarë të pëlqen nga Shqipëria jonë e vogël?

Valeria Altobelli: Dashuroj njerëzit, jeni njerëz të vërtetë me vlera të mëdha. Na ka shkëputur një tërmet, na ndan deti Adriatik, por populli italian e do Shqipërinë. Shqipëri, të dua!

Ardit Gjebrea: E thënë nga një italiane ta duam Shqipërinë, ç’duhet të themi ne?

Valeria Altobelli në skenën e “Kënga Magjike 2021”

Nuk mund të mungonin as pyetjet e fansave të festivalit “Kënga Magjike 2021”.

Pyetja 1: Cilat ishin pritshmëritë e tua në momentin që u zgjodhe “Miss World Italia”, a e parashikove atë që ndodhi në karrierën tënde?

Valeria Altobelli: Asnjëherë nuk mund ta parashikoja. Ishte hap pas hapi, por me muzikën sepse unë arrita në “Miss World” me talent. Këndova në Kinë me Lionel Richie dhe kjo ishte një sukses i madh.

Pyetja 2: Shqiptarët e kanë shprehur gjithmonë pëlqimin e tyre për spektaklet italiane. Nëse do të jepej mundësia të hiqje apo të shtoje ndonjë element nga show-t italian, cili do të ishte ai?

Valeria Altobelli: Në këtë moment ndoshta Italia është në një fazë relaksimi, kurse këtu në Shqipëri unë pash shumë energji. Do të doja që edhe vendi im të ishte kështu me kaq shumë energji siç është Shqipëria. Edhe ne italianët dimë të ecim përpara si shqiptarët…

Artikuj Të Tjerë

“Walter Ricci sjell Napolin në Shqipëri”

“Walter Ricci sjell Napolin në Shqipëri”

Walter Ricci është një këngëtar napoletan i rrymës jazz/soul. Kantautori është mahnitur nga jazz dhe stilet e shumta të kësaj rryme që kur filloi të dëgjonte gjigandë të tjerë si Frank Sinatra, Tony Bennett dhe Ella Fitzgerald në moshën 8 vjeç. Ai filloi karrierën e...

read more
Nga Kroacia në Shqipëri. Po vjen Martina Majerle.

Nga Kroacia në Shqipëri. Po vjen Martina Majerle.

Tanimë është bërë traditë që Kënga Magjike të ketë një “frymë internacionale”.  Edhe këtë edicion diversiteti nuk mungon. Këngëtarja që viztion Shqipërinë për herë të parë është këngëtarja nga Kroacia Martina Majerle. Kush është artistja që prezanton këngën e saj këtë...

read more
“Një kantautor si Alban Ramosaj”.

“Një kantautor si Alban Ramosaj”.

Alban Ramosaj është një këngëtar i cili sjell gjithnjë materiale të ndryshme dhe “eksperimentale”.  Pas 5 vitesh rikthehet në edicionin e 22 të Kënga Magjike. Këtë vit Ramosaj vjen si kantautor me këngën “Thikat e mia”. Kënga është kompozim i tiji, ndërsa produksioni...

read more
“Jetike” Semi Jaupaj ndahet nga Bojken Lako.

“Jetike” Semi Jaupaj ndahet nga Bojken Lako.

Semi Jaupaj është këngëtarja që rikthehet në edicionin e 22 të Kënga Magjike, pas 6 vitesh mungesë. Pjesëmarrja e saj e fundit ka qenë në vitin 2015 me këngën “Veç lotët” ku fitoi çmimin “Tendencë”. Këtë edicion Semi vjen me “Jetike”, një baladë nga Flori Mumajesi.Në...

read more