Gjatë prezantimit të “New Artist” që do të kalojnë në netët finale të “Këngës Magjike”, Ardit Gjebrea ndau një episod me jurinë dhe publikun në studion e së “Dielës Shqiptare” në Tv Klan. Teksa më herët i tha Anna-s se “është në provim”, duket se ajo po ia del ta tregojë se mund t’ia dalë fare mirë edhe në një skenë gjigante. Me veprimin e fundit, Anna tashmë po i merr vendimet vetë për të menaxhuar edhe një nga pikat më kritike, kohën televizive.

Ardit Gjebrea: Nuk di nëse vutë re diçka dhe unë duhet ta them. Ndërkohë që unë po bëhesha gati të merrja opinione të tjera, Anna futet dhe prezanton Ester Qëndron dhe unë e shoh. Vjen e më thotë te veshi “nëse do të marrësh opinione për çdo këngë, na shkon shumë gjatë, shiko kohën televizive.”

Jonida Maliqi: Ka të drejtë!